Hiring.Camp

ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐱᔨᖅᑎᕋᖅᑏᑦ ᐊᒻᒪ ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨ

City of Iqaluit

·

Today

Location
Iqaluit, NU
Type
Full-time
Closing date
Today
Source
ApplyToJob

Description

ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐱᔨᖅᑎᕋᖅᑏᑦ ᐊᒻᒪ ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨ 

  

ᐃᖅᑲᓇᐃᔭᖅᑏᑦ ᐊᒻᒪ ᓯᓚᑖᓃᓐᖔᖅᑐᑦ ᐱᓇᔪᑦᑐᑦ ᑐᓐᖓᓱᑦᑎᑕᐅᕗᑦ ᐱᓇᓱᖁᔭᐅᓪᓗᑎᑦ. ᒪᓕᑦᑐᒋᑦ ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎᖏᑦ, ᐊᔪᓐᖏᓂᖃᖅᑐᑦ ᐃᖅᑲᓇᐃᔭᖅᑏᑦ ᐱᓇᔪᑦᑐᑦ ᐃᓱᒪᓴᕐᓯᐅᕈᑕᐅᖅᑳᕐᓂᐊᖅᑐᑦ.  

ᒪᓕᑦᑐᒍ ᐃᓚᖓ 23 ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎ, ᓯᕗᓪᓕᖅᐸᐅᑎᑕᐅᓂᐊᖅᑐᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᑦ ᒪᓕᑦᑕᐅᔭᕆᐊᓕᓐᓂ ᒪᓕᑉᐸᑕ.  

ᐱᕕᔅᓴᐅᔪᖅ ᓇᐃᓈᖅᓯᒪᔪᖅ 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᕿᓂᖅᑐᑦ ᐱᓕᕆᐊᖃᖃᑦᑕᕐᓯᒪᓂᑰᔪᒥᒃ ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐱᔨᖅᑎᕋᖅᑏᑦ ᐊᒻᒪ ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨᔅᓴᒥᒃ ᓯᕗᒃᑲᖅᑕᐃᓂᐊᖅᑐᒥ ᓂᐅᕕᖅᑕᐅᔭᕆᐊᓕᓐᓂ, ᑳᓐᑐᕌᓕᕆᓂᕐᒥᒃ, ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐊᐅᓚᑦᑎᓂᕐᒥᒃ, ᓯᓪᓗᐊᒥ ᐊᐅᓚᑦᑎᓂᐊᕐᓗᓂ, ᐊᐅᓪᓚᑎᑦᑎᓂᕐᒥᒃ ᐊᒻᒪ ᑎᑭᑉᐸᓪᓕᐊᔪᓂᒃ, ᐊᒻᒪ ᐅᒥᐊᕐᔪᐊᒃᑰᕐᓂᐊᖅᑐᓂᒃ ᓂᐅᕕᖃᑦᑕᕐᓂᑰᓗᓂ. ᐅᓇ ᐃᖅᑲᓇᐃᔮᖅ ᐃᖅᑲᓇᐃᔭᖅᑎᓂ ᓯᕗᒃᑲᖅᑕᐃᓂᐊᖅᑐᖅ, ᑲᒪᒋᔭᖃᖃᑦᑕᕐᓗᓂ ᐱᒡᒐᓇᖅᑐᓂ ᐊᒻᒪ ᐊᑭᑐᔪᓂᒃ ᓂᐅᕕᐊᖑᔭᕆᐊᓕᓐᓂᒃ, ᓴᓐᖓᑎᑦᑎᒋᐊᕐᓗᓂ ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐊᐅᓚᑦᑎᔾᔪᑎᔅᓴᓂᒃ ᐊᒻᒪ ᐱᓕᕆᔾᔪᓯᓂᒃ, ᐊᒻᒪ ᐅᖃᐅᔾᔨᒋᐊᖃᑦᑕᕐᓗᓂ ᐊᓪᓚᕝᕕᓂᒃ ᓂᐅᕕᕈᑕᐅᕙᑦᑐᓄᑦ ᐊᑐᖅᑕᐅᕙᑦᑐᓂᒃ, ᒪᓕᑦᑕᐅᔭᕆᐊᖃᖅᑐᓂᒃ ᐊᒻᒪ ᐊᑦᑕᓇᕈᑕᐅᔪᓐᓇᖅᑐᓂᓪᓗ. ᐅᓇ ᐃᖅᑲᓇᐃᔮᖅ ᑐᕌᖓᔪᖅ ᐱᓕᕆᖃᑎᒌᓐᓂᒃᑯᑦ ᓯᕗᓕᖅᑎᐅᔪᓐᓇᖅᑐᒥ ᐊᒻᒪ ᓂᐅᕕᕈᓐᓇᑎᐊᕐᓗᓂ ᐃᓱᒪᔅᓴᕐᓯᐅᕈᓐᓇᑎᐊᕐᓗᓂᓗ, ᖃᐅᔨᓴᕈᓐᓇᑎᐊᕐᓗᓂ ᐊᒻᒪ ᑕᐅᑐᒐᖃᑦᑎᐊᕐᓗᓂ ᐊᐅᓚᑕᐅᔭᕆᐊᓕᓐᓂ.  

ᑮᓇᐅᔾᔭᔅᓴᑦ ᖃᓄᐃᓕᖓᓂᖓ 

  • ᐊᕐᕌᒍᑕᒫᑦ ᑮᓇᐅᔾᔭᔅᓵᑦ: $122,381.08  

  • ᐃᑲᕐᕋᖏ ᐃᖅᑲᓇᐃᔮᒥᒃ: 35 ᐃᑲᕐᕋᑦ ᐱᓇᓱᐊᕈᓯᑕᒫᖅ  

  • ᓄᑦᑎᓂᕐᒧᑦ ᐃᑲᔫᑏᑦ: $22,378.25 ᐊᕐᕌᒍᑕᒫᑦ 

  • ᖃᓄᐃᑦᑑᓂᖓ: ᐃᖅᑲᓇᐃᔮᖑᐃᓐᓇᖅᑐᖅ ᐅᓪᓗᓕᒫᖅ  

  • ᑲᑐᔾᔨᖃᑎᒌᑦ ᖃᓄᐃᑦᑑᓂᖓ: ᐱᖃᓯᐅᔾᔭᐅᓯᒪᖏᑦᑐᖅ 

ᐱᓕᕆᐊᕆᓪᓚᕆᒋᐊᖃᖅᑕᖏᑦ 

  • ᓯᕗᒃᑲᖅᑕᐃᓗᓂ ᓂᐅᕕᕋᔅᓴᓂᒃ, ᑳᓐᑐᕌᓕᕆᕙᓪᓗᓂ, ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐊᐅᓚᑦᑎᕙᓪᓗᓂ, ᓯᓪᓗᐊᒥ ᐊᒻᒪ ᑎᑭᑉᐸᓕᐊᔪᓂᒃ ᐊᐅᓚᑦᑎᕙᓪᓗᓂ, ᑲᒪᔨᒋᔭᐅᓗᓂ ᐊᒻᒪ ᓴᓇᖃᑦᑕᕐᓗᓂ ᓂᐅᕕᖅᑕᐅᔭᕆᐊᓕᓐᓄᑦ ᓇᒻᒥᓂᖁᑎᒋᔭᐅᔪᓄᓪᓗ ᐱᖁᑎᓄᑦ ᐃᖅᑲᓇᐃᔭᖅᑎᓂᒃ.  

  • ᐊᐅᓚᑦᑎᕙᓪᓗᓂ ᐱᒡᒐᓇᖅᑐᓂ, ᐊᑭᑐᔪᓂᒃ ᓂᐅᕕᖅᑕᐅᔭᕆᐊᓕᓐᓂ, ᐱᖃᓯᐅᑎᓗᒋᑦ ᐊᐅᓚᐅᓯᕆᓂᖅ, ᐃᓪᓗᓕᐅᓂᖅ ᐊᒻᒪ ᐊᔾᔨᐅᖏᑦᑐᓄᑦ ᐱᔨᖅᑎᕋᐅᑎᓂᒃ, ᐊᒻᒪ ᓴᓇᕙᓪᓗᓂ ᕿᒥᕐᕈᕙᓪᓗᓂᓗ ᑐᔅᓯᕋᐅᑎᓂᒃ ᑐᔅᓯᕋᐅᑎᓕᐅᕈᑎᔅᓴᓂᓪᓗ, ᐊᑭᑦᑐᕋᐅᑎᔾᔪᑎᔅᓴᓄᑦ ᐊᒻᒪ ᑳᓐᑐᕌᓄᑦ.  

  • ᑲᒪᒋᔭᖃᖃᑦᑕᕐᓗᓂ ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐊᐅᓚᑕᐅᔭᕆᐊᓕᓐᓂ, ᑕᒻᒪᖅᓯᒪᔪᖅᓯᐅᕐᓂᖅ, ᓈᓴᖅᑕᐅᓂᖏᓐᓂ ᓇᒻᒥᓂᖁᑎᒋᔭᐅᔪᑦ ᐱᖁᑎᑦ, ᓯᓪᓗᐊᒥ ᐊᐅᓚᑦᑎᓗᓂ ᐊᒻᒪ ᑎᑎᖅᑲᐃᑦ ᑕᒻᒪᕐᓯᒪᖏᒃᑲᓗᐊᕐᒪᖔᑕ ᐊᒻᒪ ᐋᖅᑭᒋᐊᕐᓯᖃᑦᑕᕐᓗᓂ.  

  • ᐋᖅᑭᔅᓱᐃᕙᓪᓗᓂ ᐊᕐᕌᒍᑕᒫᑦ ᐅᒥᐊᕐᔪᐊᒃᑰᖅᑐᔅᓴᓂᒃ ᐸᓐᓇᐅᑎᓂᒃ, ᓂᐅᕕᖅᑕᐅᔭᕆᐊᓕᓐᓂᒃ, ᐸᓐᓇᐃᕙᓪᓗᓂ, ᑎᑭᑉᐸᓪᓕᐊᔪᓂᒃ, ᓯᓪᓗᐊᖃᕐᓂᖅ ᐊᒻᒪ ᐱᖁᑎᓂᒃ ᐊᐅᓚᑦᑎᕙᓪᓗᓂ.  

ᐊᔪᓐᖏᓐᓂᕆᔭᐅᔪᑦ  

  • ᖁᑦᑎᓂᖅᓴᒥ ᐃᓕᓐᓂᐊᖅᓯᒪᓗᓂ ᓇᒻᒥᓂᖃᕐᓂᕐᒧᑦ, ᑭᒃᑯᑐᐃᓐᓇᕐᓄᑦ ᐊᐅᓚᑦᑎᓂᕐᒥᒃ, ᓂᐅᕕᖅᑕᐅᔭᕆᐊᓕᓐᓂ ᐊᐅᓚᑦᑎᓯᒪᓂᑰᓗᓂ, ᓂᐅᕐᕈᑎᖃᕐᓂᕐᒧᑦ ᐅᕝᕙᓘᓐᓃᑦ ᐊᔾᔨᑲᓴᖓᓂ. ᐊᔾᔨᑲᓴᖏᓐᓂ ᐃᓕᓐᓂᐊᖅᓯᒪᓂᖃᕐᓗᓂ ᐊᒻᒪ ᐱᓕᕆᖃᑦᑕᕐᓯᒪᓂᑰᓗᓂ ᐃᓱᒪᕐᓴᕐᓯᐅᕈᑕᐅᑐᐃᓐᓇᕆᐊᖃᖅᑐᑦ.   

  • ᐊᕐᕌᒍᓂ 5ᓂ 7−ᒧᑦ ᐱᓕᕆᖃᑦᑕᕐᓯᒪᓪᓚᕆᓂᑰᓗᓂ ᓂᐅᕕᖅᑕᐅᔭᕆᐊᓕᓐᓂ, ᓱᓇᒃᑯᑖᖃᑦᑎᑦᑎᓂᕐᒥᒃ, ᑳᓐᑐᕌᓂᒃ ᐅᕝᕙᓘᓐᓃᑦ ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐊᐅᓚᑦᑎᓂᕐᒥᒃ, ᐊᒻᒪᓗᑦᑕᐅ ᐊᕐᕌᒍ 2ᓂ 5−ᒧᑦ ᑲᒪᔨᐅᖃᑦᑕᓯᒪᓂᑰᓗᓂ ᐅᕝᕙᓘᓐᓃᑦ ᐱᓕᕆᖃᑎᖃᕐᓯᒪᓗᓂ ᓯᕗᒃᑲᖅᑕᐃᖃᑦᑕᕐᓯᒪᓗᓂᓗ.  

  • ᓴᓐᖏᔪᒥᒃ ᖃᐅᔨᒪᓂᖃᕐᓗᓂ ᓂᐅᕕᖅᑕᐅᔭᕆᐊᓕᓐᓄᑦ ᒪᓕᒐᕐᓂᒃ, ᐊᑭᑦᑐᕋᐅᑎᖃᑦᑕᕐᓗᓂ, ᑭᒃᑯᑐᐃᓐᓇᕐᓄᑦ−ᓂᐅᕕᖅᑕᐅᕙᑦᑐᓄᑦ ᒪᓕᑦᑕᐅᔭᕆᐊᓕᓐᓂᒃ, ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐊᐅᓚᑦᑎᕙᓪᓗᓂ, ᑕᒻᒪᖅᓯᒪᔪᕐᓯᐅᕐᓂᖅ, ᐊᒻᒪ ᓯᓪᓗᐊᒥ ᐊᐅᓚᑦᑎᓂᑰᓗᓂ.  

  • ᓴᓇᔪᓐᓇᕐᓗᓂ ᓂᐅᕕᖅᑕᐅᔭᕆᐊᓕᓐᓄᑦ ᑎᑎᖅᑲᓂᒃ, ᕿᒥᕐᕈᖃᑦᑕᕐᓗᒋᑦ ᐊᖅᑭᔅᓯᒪᓂᐅᔪᑦ ᐊᒻᒪ ᑳᓐᑐᕌᑦ, ᓴᓐᖏᔪᒥᒃ ᖃᐅᔨᓴᕈᓐᓇᕐᓂᖃᕐᓗᓂ, ᐋᖅᑭᔅᓱᐃᔪᓐᓇᕐᓗᓂ ᐊᒻᒪ ᐋᖅᑭᔅᓱᐃᔪᓐᓇᑎᐊᕐᓗᓂ.  

  • ᐊᑐᕈᓐᓇᕐᓗᓂ ᑎᑎᖅᑲᓕᕆᔾᔪᑎᒥᒃ Microsoft Office−ᒥ, ᓂᐅᕕᖅᑕᐅᔭᕆᐊᓕᓐᓄᑦ ᐊᒻᒪ ᓇᒻᒥᓂᖁᑎᒋᔭᐅᔪᓄᑦ ᐱᓕᕆᔾᔪᑎᒥᒃ. ᐱᓕᕆᔨᒻᒪᕆᐅᓂᕐᒧᑦ ᓇᓗᓇᐃᒃᑯᑕᖃᕐᓗᓂ ᓲᕐᓗ SCMP, CPPB ᐅᕝᕙᓘᓐᓃᑦ CPPO ᐱᐅᒋᔭᐅᓂᖅᓴᐅᔪᖅ.  

  • ᓄᓇᕗᒻᒥ ᐊᖁᑦᑐᖅᓯᐅᑎᖃᕐᓗᓂ ᓇᓗᓇᐃᒃᑯᑕᓕᒻᒥ 5, ᖃᓄᐃᓗᐊᖏᑦᑐᒥᒃ ᐊᖁᒍᑎᒋᓯᒪᔭᖏᓐᓂ ᑎᑎᖅᑲᖃᕐᓗᓂ, ᐱᕋᔭᓐᓂᑰᖏᒃᑲᓗᐊᕐᒪᖔᖅ ᖃᐅᔨᓴᕈᑎᒥᒃ, ᐊᒻᒪ ᐱᔪᓐᓇᕐᓗᓂ ᐋᓐᓂᖅᑐᓕᕆᓂᕐᒥᒃ/ᐊᓂᖅᓵᑎᑦᑎᓇᓱᒍᓐᓇᕐᓂᕐᒥᒃ.   

  • ᑭᒃᑯᑐᐃᓐᓇᕐᓄᑦ−ᓂᐅᕕᖅᑕᐅᕙᑦᑐᓄᑦ, ERP ᐱᓕᕆᔾᔪᓰᑦ, ᐅᑭᐅᖅᑕᖅᑐᒥ ᐸᓐᓇᐃᓯᒪᓂᑰᓗᓂ, ᐅᒥᐊᕐᔪᐊᒃᑰᖅᑎᑦᑎᓂᕐᒥᒃ, ᐃᓄᒃᑎᑐᑦ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑦᑐᑦ ᐱᐅᒋᔭᒐᔭᖅᑐᑦ.  

ᐅᓪᓗᒥ ᐱᓇᔪᓪᓗᑎᑦ 

ᐱᓕᕆᖃᑦᑕᕐᓯᒪᓂᑰᒍᕕᑦ ᓂᐅᕕᖃᑦᑕᓂᕐᒥᒃ, ᓂᐅᕕᖅᑕᐅᔭᕆᐊᓗᓐᓄᑦ ᐊᐅᓚᑦᑎᓂᑰᒍᕕᑦ ᐅᕝᕙᓘᓐᓃᑦ ᓇᒻᒥᓂᖁᑎᒋᔭᐅᔪᓂᒃ ᐱᖁᑎᓂᒃ ᐊᐅᓚᑦᑎᖃᑦᑕᕐᓯᒪᒍᕕᑦ ᐱᓕᕆᔨᒻᒪᕆᐅᓗᑎᑦ ᐊᓕᐊᓇᒍᓱᓪᓗᑎᑦ ᓯᕗᒃᑲᖅᑕᐃᒋᐊᔅᓴ ᐃᓄᓐᓂᒃ, ᓴᓐᖓᑎᑦᑎᒋᐊᕈᓐᓇᕈᕕᑦ ᐱᓕᕆᔾᔪᓯᓂᒃ ᐊᒻᒪ ᐋᖅᑭᔅᓱᐃᔪᓐᓇᕈᕕᑦ ᐱᒡᒐᓇᖅᑐᓂ ᐊᐅᓚᑦᑎᔾᔪᑎᓄᑦ ᐊᒃᓱᕉᑕᐅᕙᑦᑐᓂᒃ, ᑐᓐᖓᓱᑦᑎᑉᐸᒋᑦ ᐱᓇᓱᖁᓪᓗᑎᑦ. 

Skills

ERP