ᑐᓪᓕᐊ ᖃᑦᑎᕆᔨᒃᑯᑦ ᐊᖏᔪᖅᑳᖓᑕ

ᑐᓪᓕᐊ ᖃᑦᑎᕆᔨᒃᑯᑦ ᐊᖏᔪᖅᑳᖓᑕ 

ᐱᓇᓱᐊᕋᑦᓴᐅᑉ ᐃᓗᓕᖏᑦ 

ᓄᓇᓕᐸᐅᔭᒃᑯᑦ ᐃᖃᓗᓐᓂ ᕿᓂᖅᑐᑦ ᐱᓕᕆᓯᒪᔪᒥᒃ ᑐᓪᓕᑦᓴᖓᓂᒃ ᖃᑦᑎᕆᔨᒃᑯᑦ ᐊᖏᔪᖅᑳᖓᑕ ᐃᑲᔪᖃᑦᑕᕋᔭᕐᓗᓂ ᓯᕗᓕᖅᑎᐅᓂᒃᑯᑦ, ᐊᐅᓚᑦᓯᔾᔪᑎᒃᑯᑦ, ᑐᓴᐅᒪᐅᑎᓕᕆᔾᔪᑎᒍᑦ, ᐊᒻᒪ ᑐᐊᕕᕐᓇᖅᑐᓄᑦ ᐅᐸᖃᑕᐅᖃᑦᑕᕐᓗᓂ ᐱᓕᕆᔨᖏᓐᓂᒃ ᑐᐊᕕᕐᓇᖅᑐᓕᕆᓂᒃᑯᑦ ᐱᔨᑦᓯᕋᖅᑎᓂᒃ. ᐅᓇ ᐊᑐᖅᑐᒻᒪᕆᐅᔪᖅ ᐱᔨᑦᓯᕋᐅᑎᒍᑦ ᐊᑑᑎᐅᔪᖅ ᐃᑲᔪᖅᑎᐅᕙᑦᑐᖅ ᓴᐳᒻᒥᑦᓯᓇᓱᐊᕐᓂᒃᑯᑦ ᐃᓅᓯᕐᓂᒃ, ᐱᖁᑎᓂᒃ, ᐊᒻᒪ ᐊᕙᑎᑦᑎᓐᓂᒃ ᐃᑯᐊᓚᑎᑦᓯᑦᑕᐃᓕᒪᖁᔨᓂᒃᑯᑦ ᐊᒻᒪ ᖃᒥᑦᑐᐃᓂᒃᑯᑦ, ᑐᐊᕕᕐᓇᖅᑐᓂᒃ ᐱᓕᕆᔾᔪᑎᒥᒃ  ᓄᓇᒃᑰᔫᒥᒃ ᐊᒻᒪ ᑭᐅᔨᐅᓂᒃᑯᑦ ᐊᐅᓚᑦᓯᔾᔪᑎᖏᓐᓂᒃ, ᑐᐊᕕᕐᓇᖅᑐᓂᒃ ᐱᓕᕆᖃᑕᐅᓂᒃᑯᑦ, ᐃᖅᑲᓇᐃᔭᖅᑎᓂᒃ ᖃᐅᔨᓴᖅᑎᐅᓂᒃᑯᑦ, ᑭᒃᑯᑐᐃᓐᓇᕐᓂᒃ ᐃᓕᓐᓂᐊᑎᑦᓯᓂᒃᑯᑦ, ᒪᓕᒐᕐᓂᒃ ᐊᑐᓕᖅᑎᑦᓯᓂᒃᑯᑦ, ᐱᓕᕆᔾᔪᑎᒥᓂᕐᓂᒃ ᐊᐅᓚᑦᓯᓂᒃᑯᑦ, ᐊᒻᒪ ᐊᐅᓚᑦᓯᔾᔪᑎᐅᔪᓂᒃ ᐊᑐᐃᓐᓇᕈᐃᓂᒃᑯᑦ ᐅᑭᐅᖅᑕᖅᑐᒥ ᓄᓇᓕᓐᓂᒃ ᐊᐅᓚᑦᓯᔨᑎᒍᑦ.  

ᑮᓇᐅᔭᓕᐊᖏᑕ ᐃᓗᓕᖏᑦ 

• ᐊᕐᕌᒍᓕᒫᒥ ᑮᓇᐅᔭᓕᐊᑦᓴᑦ: 137338.53 

• ᐃᑲᕐᕋᑎᒍᑦ ᐱᓕᕆᔾᔪᑎᖏᑦ: 35 ᐃᑲᕐᕋᐃᑦ ᐱᓇᓱᐊᕈᓯᐅᑉ ᐃᓗᐊᓂ 

• ᓄᓇᓕᕐᒥᐅᑕᐅᓂᕐᒧᑦ ᐃᑲᔫᓯᐊᑦ: 22,378.25 

• ᖃᓄᐃᑦᑑᓂᖓ: ᐊᑕᐅᓯᕐᒥᒃ (1) ᐊᕐᕌᒍᒥᒃ ᐱᓕᕆᔨᐅᒐᔭᖅᑐᖅ 

• ᔫᓐᓂᐊᓕᕆᓂᖓ: ᐃᓚᒋᔭᐅᖏᑦᑐᖅ 

ᐱᓕᕆᐊᑦᓴᓪᓚᑦᑖᖏᑦ 

• ᑐᐊᕕᕐᓇᖅᑐᓕᕆᔪᓂᒃ ᓯᕗᓕᖅᑎᐅᕙᓪᓗᓂ ᐊᐅᓚᑦᓯᔾᔪᑎᖏᓐᓂᒃ, ᐱᖃᓯᐅᑎᓪᓗᒋᑦ ᐃᑯᐊᓚᔪᓕᕆᓂᖅ, ᐃᓅᓕᑦᓯᓇᓱᐊᕐᓂᖅ, ᓄᓇᒃᑰᔫᓕᕆᓂᖅ ᑐᐊᕕᕐᓇᖅᑐᓂᒃ, ᐅᓗᕆᐊᓇᖅᑐᓕᕆᓂᖅ ᓱᓇᑐᐃᓐᓇᕐᓂᒃ, ᐃᓅᓯᕐᓄᑦ ᐅᓗᕆᐊᓇᖅᑐᓕᕆᓂᖅ, ᐊᒻᒪ ᐋᓐᓂᐊᔪᓕᕆᓂᖅ ᖃᓄᐃᒍᑎᐅᔪᓂᒃ, ᖃᓄᐃᓕᕕᐅᓯᒪᔪᒥᒃ ᐊᐅᓚᑦᓯᔨᐅᕙᓪᓗᓂ ᐅᕝᕙᓘᓐᓃᑦ ᐊᑦᑕᓇᑦᑕᐃᓕᒪᔪᓕᕆᓂᒃᑯᑦ ᒪᓕᓪᓗᓂ ᐱᓕᕆᔾᔪᑎᒋᓂᐊᖅᑕᓂ. 

• ᖃᐅᔨᓴᖅᑎᐅᓗᓂ ᑐᐊᕕᕐᓇᖅᑐᓕᕆᔨᓂᒃ ᐱᓕᕆᔪᓂᒃ, ᑭᐅᔨᓂᒃ, ᐃᖅᑲᓇᐃᔭᖅᑎᓂᒃ ᐊᒻᒪ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᓇᓗᓇᐃᕐᓯᒪᖁᓪᓗᒋᑦ ᐊᑦᑕᓇᔾᔭᐃᕐᓯᒪᓂᖏᑦ, ᐱᓕᒻᒪᓴᕐᓯᒪᑦᓯᐊᖁᓪᓗᒋᑦ ᐱᓕᕆᔾᔪᑎᓂᒃ, ᐊᒻᒪ ᐊᑐᐃᓐᓇᐅᖁᓪᓗᒋᑦ ᑐᐊᕕᕐᓇᖅᑐᓂᒃ ᓴᖅᑭᖅᑐᖃᕐᓂᖅᐸᑦ. 

• ᐊᑐᖅᑕᐅᑎᑦᓯᓇᓱᐊᖅᐸᓪᓗᓂ ᐊᑐᖅᑕᐅᒋᐊᓕᓐᓂᒃ ᐃᑯᐊᓚᔪᓕᕆᔾᔪᑎᓂᒃ, ᒪᓕᒐᕐᓂᒃ, ᒪᓕᒐᕋᓛᓂᒃ, ᐃᓗᓯᕐᓄᑦ ᐊᒻᒪ ᐊᑦᑕᓇᑦᑕᐃᓕᒪᐅᑎᓂᒃ ᒪᓕᒐᕐᓂᒃ, ᐊᒻᒪ ᐱᓕᕆᕝᕕᒻᒥ ᐱᔾᔪᓯᐅᔪᑦ ᐊᑐᖅᑕᐅᖁᓪᓗᒋᑦ. 

ᐃᑲᔪᖅᐸᓪᓗᓂ ᐃᖅᑲᓇᐃᔭᖅᑎᑖᕈᑎᒍᑦ, ᐅᓪᓗᕐᓯᐅᑎᖏᓐᓂᒃ ᐃᖅᑲᓇᐃᔭᖅᑏᑦ, ᐱᓕᕆᐊᖑᓂᐊᖅᑐᓂᒃ ᐊᐅᓚᑦᓯᓂᖅ, ᐱᓕᕆᔾᔪᑎᒥᓂᓕᕆᓂᖅ, ᐱᓕᕆᔾᔪᑎᓂᒃ ᐅᑯᓂᖓ ᑲᒪᓂ CAD/RMS, ᑮᓇᐅᔭᓂᒃ ᐊᑐᖅᑐᑦᓴᓕᕆᓂᖅ, ᓂᐅᕐᕈᑎᓕᕆᓂᖅ, ᐊᒻᒪ ᐅᓂᒃᑳᓕᐅᖅᐸᓪᓗᓂ. 

• ᑐᑭᒧᐊᑦᑎᑦᓯᔨᐅᕙᓪᓗᓂ ᐃᑯᐊᓚᑎᑦᓯᑦᑕᐃᓕᒪᐅᑎᓂᒃ, ᖃᐅᔨᓴᐅᑎᓂᒃ, ᑭᒃᑯᑐᐃᓐᓇᕐᓂᒃ ᐃᓕᓐᓂᐊᑎᑦᓯᒍᑎᓂᒃ, ᑐᐊᕕᕐᓇᖅᑐᓄᑦ ᐊᒻᒪ ᓯᕗᓂᐊᒍᑦ ᖃᓄᐃᓕᔪᖃᖅᑎᓪᓗᒍ ᐸᕐᓇᐅᓂᖅ ᐱᓕᕆᐊᑦᓴᓂᒃ, ᐃᒥᓕᕆᔪᓂᒃ ᐱᓕᕆᐊᑦᓴᓕᕆᓂᖅ, ᐊᒻᒪ ᓄᓇᓕᓐᓂ ᐊᑦᑕᓇᑦᑕᐃᓕᒪᐅᑎᑦᓴᓂᒃ ᐱᒋᐊᖅᑎᑦᓯᖃᑕᐅᕙᓐᓂᖅ. 

• ᖃᑦᑎᕆᔨᓄᑦ ᐊᖏᔪᖅᑳᖑᕙᓪᓗᓂ ᐃᓛᓐᓂᓚᐅᓱᖓᒃᑯᑦ ᐊᒻᒪ ᑭᒡᒐᖅᑐᐃᔨᐅᕙᓪᓗᓂ ᖃᑦᑎᕆᕕᒻᒧᑦ ᑲᑎᒪᔨᓄᑦ, ᓯᕗᓕᖅᑎᐅᔪᓄᑦ, ᒪᓕᒐᓕᕆᔨᓄᑦ, ᑭᒃᑯᑐᐃᓐᓇᕐᓄᑦ, ᐊᒻᒪ ᑐᐊᕕᕐᓇᖅᑐᓕᕆᔾᔪᑎᒍᑦ ᑲᑐᔾᔨᖃᑕᐅᕙᑦᑐᓂᒃ.  

ᐱᓕᕆᔪᓐᓇᐅᑏᑦ  

         ᐃᓕᓐᓂᐊᕐᓯᒪᓂᖅ ᐅᑯᓂᖓ ᖃᑦᑎᕆᔨᓂᒃ ᐊᖏᔪᖅᑳᖑᓂᖅ (NFPA 1021 Fire Officer II), ᑐᐊᕕᕐᓇᖅᑐᓕᕆᓂᖅ (EMR), ᖃᑦᑎᕆᔾᔪᑎᓂᒃ I ᐊᒻᒪ II ᐅᑯᓂᖓ  ᐊᐅᓚᑦᓯᔾᔪᑎᖏᓐᓂᒃ (Hazmat Operations), ᐃᓕᓐᓂᐊᕐᓯᒪᓂᖅ ᐅᑯᓂᖓ ᖃᑦᑎᕆᔨᓂᒃ ᓄᓇᒃᑰᔫᓂᒃ ᐊᐅᓚᑦᓯᓂᖅ (NFPA 1002 Driver Operator), ᐃᓕᓐᓂᐊᕐᓯᒪᓂᖅ ᐅᑯᓂᖓ ᖃᑦᑎᕆᔨᓂᒃ ᐃᓕᓴᐃᔨᐅᓂᖅ (NFPA 1041 Instructor II), ᐊᒻᒪ ᒍᓚᐃ 12-ᒥᒃ ᐃᓕᓐᓂᐊᕈᑎᒍᑦ ᐱᔭᕇᕐᓯᒪᓂᖅ.   

• 7–10 ᐊᕐᕌᒍᓄᑦ ᖃᓄᐃᓕᓯᒪᔪᖃᖅᑎᓪᓗᒍ ᐊᖏᔪᖅᑳᖑᓂᕐᒥᑦ, ᐱᖃᓯᐅᑎᓗᒍ ᖃᑦᑎᕆᔨᐅᓂᒃᑯᑦ ᓯᕗᓕᖅᑎᐅᓂᕐᒥᒃ, ᐃᓕᓴᐃᔨᐅᓂᕐᒥᒃ, ᐋᓐᓂᐊᕕᒻᒧᑦ ᑎᑭᓚᐅᖏᓐᓂᖏᓐᓂ ᑲᒪᒍᓐᓇᓂᕐᒥᒃ ᐋᓐᓂᐊᔪᓂᒃ, ᐊᒻᒪ ᐱᓕᕆᖃᑎᖃᕐᓗᓂ ᑐᐊᕕᕐᓇᖅᑐᓕᕆᓯᒪᓂᖅ.   

• ᐊᕐᕌᒍᓂᒃ ᐱᖓᓱᓂᒃ (3) ᐱᓕᕆᓯᒪᓗᓂ ᐊᐅᓚᑦᓯᔾᔪᑎᓂᒃ ᐊᒻᒪ ᑮᓇᐅᔭᓕᕆᔾᔪᑎᓂᒃ ᐊᐅᓚᑦᓯᓂᕐᒥᒃ, ᐱᖃᓯᐅᑎᓗᒋᑦ ᐃᑲᔪᖅᑎᓂᒃ ᐊᑭᓕᕐᓱᖅᑕᐅᒐᑎᒃ ᖃᑦᑎᕆᔨᓂᒃ ᖃᐅᔨᓴᖅᑎᐅᓂᖅ ᐊᒻᒪ ᐱᓕᕆᔾᔪᑎᖏᓐᓂᒃ.   

       ᓇᓗᓇᐃᕐᓯᒪᑦᓯᐊᖅᑐᓂᒃ ᖃᓄᐃᓕᔭᐅᓯᒪᓂᕐᒥᒃ ᐃᖅᑲᖅᑐᐃᕕᑎᒍᑦ/ᖃᓄᐃᓕᔭᐅᓯᒪᔪᒥᒃ ᐊᑎᖅᑲᑎᖃᕐᓂᕐᒥᒃ ᖃᐅᔨᓴᐅᑎᖃᕐᓗᓂ, ᐊᒻᒪ ᐊᑐᕈᓐᓇᖅᑐᒥᒃ ᓇᓗᓇᐃᒃᑯᑎᓕᒻᒥᒃ  3 ᓚᐃᓴᖃᕐᓗᓂ ᐊᖁᑦᑐᖅᓯᐅᑎᖃᕐᓗᓂ ᐳᓪᓚᓄᑦ ᓄᖅᑲᖅᑕᐅᑎᓕᓐᓂᒃ ᐱᓕᕆᔪᓐᓇᐅᑎᖃᕐᓗᓂ ᐅᕝᕙᓘᓐᓃᑦ ᐊᔾᔨᐸᓗᐊᓂᒃ.   

         ᐱᕙᓪᓕᐅᑎᒍᓐᓇᖅᑐᑦ ᑎᒍᒥᐊᖅᑕᐅᒍᑎᒃ ᐱᖃᓯᐅᔾᔨᔪᑦ ᐊᖏᔪᖅᑳᖑᓯᒪᓂᕐᒥᒃ, ᖃᑦᑎᕆᔨᐅᓂᒃᑯᑦ ᐱᔭᕇᕈᑎᓂᒃ ᐃᓕᓐᓂᐊᕈᑎᓂᒃ, ᐃᑯᐊᓚᔪᓕᕆᓂᕐᒥᑦ ᖃᐅᔨᓴᕐᓂᕐᒥᒃ/ᐃᓕᓐᓂᐊᓂᕐᒥᒃ, ᐱᓕᕆᔾᔪᑎᒍᑦ ᓴᓇᒍᓐᓇᓂᕐᒥᒃ, ᑎᒥᒥᒃ ᓴᐳᒻᒥᑦᓯᔾᔪᑎᓕᕆᓂᕐᒥᑦ ᓱᓇᒃᑯᑖᖏᓐᓂᒃ ᐅᕝᕙᓘᓐᓃᑦ ᐳᖅᑐᓂᕐᓴᑎᒍᑦ, ᐋᓐᓂᐊᔪᓕᕆᓂᕐᒥᑦ/ᐃᓱᒪᑎᒍᑦ ᐃᓗᓯᓕᕆᓂᕐᒥᑦ ᐱᓕᒻᒪᓴᕐᓯᒪᓂᖅ, ᐊᒻᒪ ᐅᖃᐅᓯᖃᕈᓐᓇᕐᓂᖅ ᐃᓄᑦᑎᑐᑦ ᐅᕝᕙᓘᓐᓃᑦ ᐅᐃᕖᑎᑐᑦ.   

ᐱᓇᓱᐊᖃᑕᐅᒋᑦ ᐅᓪᓗᒥ  

  
ᐱᓕᕆᓕᓂᐅᒍᕕᑦ ᑐᐊᕕᕐᓇᖅᑐᓕᕆᓂᒃᑯᑦ ᓯᕗᓕᖅᑎᐅᓂᒃᑯᑦ ᒪᓕᒋᐊᓕᓐᓂᒃ ᑎᒍᒥᐊᕐᓗᑎᑦ, ᐊᐅᓚᑦᓯᔨᓂᒃ ᐊᖏᔪᖅᑳᖑᓚᐅᕐᓯᒪᓗᑎᑦ, ᐊᒻᒪ ᐊᑐᐃᓐᓇᐅᕙᑦᑐᑎᑦ ᐱᔨᑦᓯᕋᖅᑎᐅᓂᒃᑯᑦ ᐱᓕᕆᐊᑦᓴᓕᒻᒪᕆᐅᔪᒥᒃ ᐅᑭᐅᖅᑕᖅᑐᒥ ᓄᓇᓕᓐᓂᒃ ᐊᐅᓚᑦᓯᔨᓄᑦ, ᐱᓇᓱᐊᖁᔭᐅᕗᑎᑦ. ᐅᓇ ᐃᖅᑲᓇᐃᔮᑦᓴᖅ ᐃᑲᔪᕐᓱᐃᔾᔪᑎᐅᔪᓐᓇᖅᑐᖅ ᑭᒃᑯᑐᐃᓐᓇᕐᓂᒃ ᐊᑦᑕᓇᑦᑐᒦᑎᑦᓯᑦᑕᐃᓕᒪᓂᒃᑯᑦ, ᑐᐊᕕᕐᓇᖅᑐᓕᕆᓂᒃᑯᑦ ᐊᑐᐃᓐᓇᐅᑎᑦᓯᓂᒃᑯᑦ, ᐊᒻᒪ ᓄᓇᓕᐅᑉ ᐃᓗᐊᓂ ᓴᐳᔾᔨᓇᓱᐊᕐᓂᒃᑯᑦ ᐃᖃᓗᓐᓂ.  

ᒪᓕᑦᑐᒋᑦ ᑎᑎᕋᕐᓯᒪᔪᑦ ᐋᑎᑯᓪ 23-ᒥ ᓄᓇᕘᒥᑦ ᓄᓇᑖᕈᑕᐅᓚᐅᖅᑐᒥ ᐊᖏᕈᑎᐅᑉ, ᓯᕗᓪᓕᐅᔾᔭᐅᕙᓐᓂᐊᖅᑐᑦ ᓄᓇᕘᒥᐅᑕᐃᑦ ᐊᑎᖃᖃᑕᐅᔪᑦ ᐊᖏᕈᑎᒥ ᒪᓕᒍᑎᒃ ᒪᓕᒋᐊᓕᓐᓂᒃ.